Autoimmun hepatit xroniki hepatitlərin az rast gəlinən növlərindən biridir. Hepatit qaraciyərin iltihabı deməkdir. İltihab hər bir toxumanın zədələnməyə qarşı olan normal reaksiyasıdır. Qaraciyərdə iltihabi proses adətən ona hər hansı bir zədələyici faktorun (viruslar, toksinlər, dərmanlar və s.) təsiri nəticəsində inkişaf edir. Autoimmun hepatitlər zamanı isə orqanizmin öz daxili immun sistemi zədələyici faktor kimi çıxış edir. Xəstəlik ona gorə xroniki hesab edilir ki, iltihab prosesi fasilələrlə uzun müddət davam edir. Əgər hepatit müalicəsiz qalarsa, qaraciyərdə sirroz formalaşır. Autoimmun hepatitlərdə müalicə adətən yaxşı effekt verir. Əsasən steriodlərdən istifadə edilir ki, bu da qaraciyərdə iltihabi prosesin qarşısını alır. Autoimmun hepatitlər elə də geniş yayılmamışdır. Məsələn, Böyük Britaniyada hər il 100.000 insandan birində autoimmun hepatit inkişaf edir. Hər 10 xəstədən 7 qadın olur. Daha çox yaşı 15-40 arasında olan insanlarda inkişaf edir. Bəzən uşaq və yeniyetmələrdə də rast gəlinir. Kişilər qadınlara nisbətən daha çox yuxarı yaşlarda bu xəstəliyə tutula bilir. Autoimmun hepatiti olan insanlarda
Pernisioz anemiya, I Tip şəkərli diabet, yüksək reaktiv tiroid, Sjögren sindromu, Vitiliqo kimi digər autoimmun xəstəliklər də
inkişaf edə bilər.