Qvineya-Bisauda çevrilişlə hakimiyyəti ələ keçirən ordu, ölkənin ali idarəetmə orqanı olaraq Nizam-intizamın Bərpası üzrə Ali Hərbi Komandanlıq yaradıb.

Ailehekimiklinikasi.az APA-ya istinadla xəbər verir ki, bu barədə briqada generalı Denis N’Kanya milli televiziyada çıxışında bildirib.

Onun sözlərinə görə, komandanlıq ölkəni sonrakı xəbərdarlığa qədər idarə edəcək. Quruma kimin rəhbərlik edəcəyi isə hələ açıqlanmayıb.

Ordu artıq bütün mülki qurumları dayandırıb, Qvineya-Bisaunun sərhədlərini bağlayıb, gecə komendant saatı tətbiq edib, media fəaliyyətini dayandırıb və 23 noyabr prezident və parlament seçkiləri üçün səslərin sayılmasını dayandırıb.

Qeyd edək ki, seçki Komissiyası nəticələri 28 noyabrda elan etməyi planlaşdırırdı.

***

Qvineya-Bissau prezidenti Sissoko Embalo həbs edilib.

Globalinfo.az APA-ya istinadla xəbər verir ki, bu barədə prezidentin özü “Jeune Afrique” nəşrinə məlumat verib.

Prezident ölkədə hökumət çevrilişi baş verdiyini və onunla birlikdə silahlı qüvvələrin Baş qərargah rəisi, daxili işlər naziri və bir sıra digər şəxslərin həbs olunduğunu bildirib.

Embalo çevriliş zamanı özünə qarşı hər hansı bir zorakılıq törədilmədiyini deyib.

Qeyd edək ki, Qvineya-Bissauda ötən bazar günü prezident seçkiləri keçirilmiş və Sissoko Embalo özünün 65% faiz səs topladığını bildirmişdi.

Lakin onun rəqibi Fernando Dias De Kosta da qələbə elan edib, baxmayaraq ki, səslər noyabrın 27-ə qədər hesablanma prosesindən keçir.