Hepatit C - qaraciyərin virus xəstəliyidir. Ağırlıq dərəcəsindən asılı olaraq bir neçə həftədən ömür boyu davam edəcək şəkildə qaraciyərin sirrozuna və xərcənginə gətirib çıxara biləcək bir formada keçən virus xəstəliyidir. Hepatit C xəstə insanın qanından kontakt yolu keçən bir xəstəlikdir. Orqan köçürmədə, qan köçürmədə, dializ zamanı, hepatit C ilə yoluxmuş anadan yenidoğulmuşa keçə bilər və s. Şəxsi əşyaların ortaq istifadəsi və cinsi yolla keçməsi çox nadir rast gəlinir. Hər il 3-4 milyon insan bu virusa yoluxur. 150 milyona yaxın insan xroniki formada olan Hepatit C xəstəsidir, hər zaman qaraciyərin sirrozu və ya xərcəngi olması riski altında yaşayırlar. Hər il 350 000 insan isə hepatit C xəstəliyinə görə dünyasını dəyişir.

F. Rüstəmova