Türkiyənin sabiq Xarici işlər naziri Əli Babacan Ədalət və İnkişaf Partiyasından istefa verib.

Publika.az xəbər verir ki, Babacan özü yazılı açıqlama ilə istefasını təsdiq edib.

Açıqlamasında bunları deyib: “Türkiyənin yeni gələcək vizyona ehtiyacı var. Ölkəmiz üçün hər sahədə doğru analizlər, yenidən düşünülmüş strategiyalar, planlar, proqramlar lazımdır”.

Onun yeni partiya qurmaq üçün hazırlıqlara başladığı iddia olunur.

Qeyd edək ki, Əli Babacan Ədalət və İnkişaf Partiyasının qurucularından biridir. O, AKP-dən 4 dəfə parlamentə millət vəkili seçilib. 58 və 59-cu hökumətlərdə İqtisadiyyat naziri, 60-cı hökumətdə 1 may 2009-cu ilə qədər Xarici işlər naziri vəzifəsini icra edib. May 2005 – yanvar 2009-cu illər arasında Avropa İttifaqına tam üzvlük məsələsində baş məsləhətçi işləyib. 1 may 2009-cu ildən sonra prezident köməkçisi vəzifəsinə təyin olunub. 61 və 62-ci hökumətlərdə isə baş nazirin köməkçisi kimi çalışıb.