İngiltərənin baş naziri Tereza Mey istefa verib.

Ailehekimiklinikasi.az publika.az-a istinadən xəbər verir ki, Mey 7 iyunda vəzifəsindən gedəcəyini açıqlayıb.

O, istefası ilə bağlı İngiltərə Kraliçası II Yelizavetaya məlumat verdiyini də deyib. Mey, eyni zamanda, lideri olduğu Mühafizəkarlar Partiyasından da ayrılacaq.

Baş nazirlik ofisi qarşısında jurnalistlərə açıqlama verən Tereza Mey çıxışının sonunda duyğulu anlar yaşayıb: “Avropa İttifaqı referendumunun nəticəsini reallaşdırmaq üçün cəhd göstərdim. Referendumu tətbiq etmək üçün əlimdən gələn hər şeyi etdim. Lakin üzülərək söyləyirəm ki, millət vəkillərini “Breksit” üçün yola gətirə bilmədim. Artıq bu mübarizəni başqa baş nazirin vermək vaxtı gəlib çatdı”-, Mey bildirib.