Şiə hərəkatı Hizbullahla İsrail dövləti arasındakı müharibəyə son qoymaq yalnız Livan ərazilərinin azad edilməsindən və bütün Livanlı məhbusların vətənlərinə qayıtmasından sonra mümkün olacaq.

Globalinfo.az xəbər verir ki, bu barədə təşkilatın baş katibi Naim Qasım müqavimət döyüşçülərinə ünvanladığı mesajda bildirib.

Naim Qasım hərəkatın mətbuat xidməti tərəfindən yayımlanan açıqlamada bildirib ki, mümkün olan yeganə həll yolu təcavüzü dayandırmaq, qoşunları müvəqqəti işğal olunmuş torpaqlardan çıxarmaq, əsirləri azad etmək, kənd və qəsəbələrin əhalisini evlərinə qaytarmaq və ardınca yenidənqurma işlərinə başlamaqdır.

Qeyd edək ki, bir gün əvvəl İsrail Müdafiə Qüvvələri Livanın cənubunda əməliyyatın quru mərhələsinin başladığını elan edərək, 36-cı Diviziya da daxil olmaqla əlavə bölmələr yerləşdirib. Livan tərəfinin məlumatına görə, Hizbullah döyüşçüləri 24 saat ərzində İsrailin on hücum cəhdini dəf ediblər.