İsrail Müdafiə Ordusu Livanın cənubunda "Hizbullah" hərəkatının bir neçə silah anbarını aşkarlayaraq məhv edib.

Publika.az xəbər verir ki, bu barədə ordunun mətbuat xidməti məlumat yayıb.

Məlumata görə, bu bölgədə bir neçə "Hizbullah" terrorçusu öldürülüb və qoşunlar üçün təhlükə yaradan şübhəli şəxslər saxlanılıb.

769-cu və 7-ci briqadalar İsraillə Livan arasındakı razılaşmalara uyğun olaraq və bu bölgədə əməliyyat nailiyyətlərini qorumaq üçün Livanın cənubunda müdafiə əməliyyatlarını davam etdirir.

769-cu briqadanın qoşunları minaatan mərmilər, raketlər, reaktiv mərmilər, partlayıcı maddələr, odlu silahlar və çoxlu sayda hərbi texnikanın olduğu bir neçə silah anbarı aşkar ediblər. Bütün silahlar müsadirə, anbarlar isə məhv edilib.