Livan və İsrail atəşkəsə nail olmaq və Hizbullahı tərksilah etmək məqsədi ilə birbaşa danışıqlara başlaya bilər.

Globalinfo.az xəbər verir ki, Livan prezidenti Cozef Aun İsraillə danışıqlara dəstəyini ifadə edərək, Beyrutun daha əvvəl ABŞ və BMT-nin vasitəçiliyi ilə oxşar dialoq apardığını, nəticədə dəniz sərhədinin demarkasiyasına dair razılığa gəlindiyini xatırladıb.

Onun sözlərinə görə, Hizbullah heç bir problemi həll etməyib və birbaşa dialoq olmadan gələcək kompromis mümkün deyil.

Eyni zamanda “Hizbullah”ın sözçüsü Əli əl-Məqdad bildirib ki, təşkilat İsraillə birbaşa danışıqların mümkünlüyünü qəti şəkildə rədd edir. Onun sözlərinə görə, düşmənə güc yolu ilə nail ola bilmədiyini sülh yolu ilə verməyəcəklər.

Bundan əvvəl İsrailin baş naziri Benyamin Netanyahu bəyan edib ki, Livanla sülh yalnız “Hizbullah”ın tərksilah ediləcəyi təqdirdə mümkündür.