“Gələcəyin müharibəsi klassik şəkildə, lakin daha geniş miqyasda davam edə bilər”.

Globalinfo.az xəbər verir ki, bunu Rostec Dövlət Korporasiyasının Silahlanma Klasterinin sənaye direktoru Bekxan Özdoyev deyib.

“Gələcək müharibələrin ağır zirehli texnikalardan istifadə etmədən yalnız dronlarla aparılacağını qəti şəkildə iddia etmək mümkün deyil. Dronların inkişafı çox vacib məsələdir.

Amma müharibələrdə qüvvə və resursların daha çox cəmləşməsi, daha böyük miqyas və sürət, eləcə də istifadə olunan vasitələrin böyük gücü önəm daşıyacaq. Belə bir vəziyyətdə dronlar dərhal arxa plana keçəcək”, – deyə sənaye direktoru bildirib.

Onun sözlərinə görə, bu halda döyüş meydanında ən dözümlü nəqliyyat vasitələri kimi tanklara tələbat artacaq.