Rusiya Xarici İşlər Nazirliyi Qazax-İcevan dəmir yolu xəttinin Ermənistandan keçən hissəsini ekspertizadan keçirəcək.

Ailehekimiklinikasi.az modern.az-a istinadla xəbər verir ki, bu barədə Nazirliyin sözçüsü Mariya Zaxarova bildirib. O, Ermənistanın Baş naziri Nikol Paşinyanın rusiyalı tərəfdaşları Türkiyə və Azərbaycan sərhədindəki dəmir yolu hissələrinin bərpasında iştirak etməkdən imtina edəcəyi təqdirdə İrəvanın layihəni müstəqil şəkildə həyata keçirəcəyi barədə açıqlamasına münasibət bildirərkən bunu deyib:

“Dəmir yolunun bərpası məsələsi, o cümlədən Rusiya Dəmir Yolları ekspertizasının mümkün cəlb edilməsi ilə bağlı müzakirələrin ilkin mərhələsindədir. Birgə məsləhətləşmələr təklifimiz qüvvədə qalır”.