“Rusiya Qrenlandiya məsələsində Danimarkanı dəstəklədi, bununla da tənqidçilərini çaşdırdı”.

Globalinfo.az xəbər verir ki, bu barədə britaniyalı hərbi analitik Aleksandr Merkuris “YouTube” kanalında danışıb.

O bildirib ki, Moskvanın ABŞ Prezidenti Donald Trampın planlarına verdiyi bu reaksiya onun rəqiblərini qorxuda bilər:

“Şübhə yoxdur ki, bu, Avropada narahatlıq yaradır. Çünki orada ABŞ-la ittifaqı qorumaq naminə Qrenlandiyanı qurban verməyə artıq hazır idilər. Belə bir məqamda Rusiya Danimarkanın ərazi bütövlüyünü dəstəkləyərək beynəlxalq hüququn müdafiəsinə qalxır,” – deyə analitik izah edib.

Merkurisin fikrincə, ABŞ lideri Donald Tramp adanı Birləşmiş Ştatların bir hissəsinə çevirmək planına qəti şəkildə sadiq qalmaq qərarına gəlib və onu bu fikrindən daşındıra biləcək adamların sayı çox azdır.