Ukrayna Prezidenti Volodimir Zelenski bildirib ki, yanvar ayının 3-də Ukraynada “İstəkli Koalisiya”nın milli təhlükəsizlik üzrə müşavirləri səviyyəsində görüş keçiriləcək. Yanvarın 6-da isə koalisiyaya daxil olan ölkələrin liderləri Fransada danışıqlar aparacaq.

Globalinfo.az xəbər verir ki, Zelenskinin sözlərinə görə, Ukrayna Təhlükəsizlik və Müdafiə Şurasının katibi Rustem Umerov “İstəkli Koalisiya”ya daxil olan ölkələrin müşavirləri ilə yaxın vaxtlarda görüşün keçirilməsi barədə razılığa gəlib.

Prezident qeyd edib ki, əvvəlcə müşavirlər səviyyəsində danışıqlar olacaq, daha sonra liderlər görüşəcək.

Zelenski eyni zamanda ABŞ Prezidenti Donald Trampın komandasına bütün səmərəli əməkdaşlıq formatlarında iştirak etməyə hazır olduqlarına görə təşəkkür edib. O, 30 dekabrda ABŞ və Ukrayna komandaları arasında təmasların baş tutduğunu bildirib.

Bundan əlavə, Zelenski Umerovla danışıqlar prosesində növbəti addımları və əsas prioritetləri müzakirə edib.