Rusiya və Venesuelanın xarici işlər nazirləri Sergey Lavrov və İvan Xil Pinto arasında telefon danışığı baş tutub.

Globalinfo.az xəbər verir ki, danışıq zamanı Rusiya tərəfi ABŞ-ın tətbiq etdiyi blokadaya qarşı mübarizədə dəstək göstərməyə hazır olduğunu təsdiqləyib.

“Sergey Lavrov Moskvanın Venesuelaya hərtərəfli əməkdaşlıq və dəstək göstərəcəyini bildirib, həmçinin BMT Təhlükəsizlik Şurası çərçivəsində atılan addımlara tam dəstək ifadə edib”, – İvan Xil deyib.

Nazirin sözlərinə görə, telefon danışığı zamanı tərəflər Karib hövzəsindəki mövcud vəziyyəti, o cümlədən ABŞ-ın aqressiv addımlarını və beynəlxalq hüququn kobud şəkildə pozulmasını müzakirə ediblər. Söhbət xüsusilə Venesuela tərəfinin Vaşinqtonun məsuliyyəti kimi qiymətləndirdiyi gəmilərə hücumlar, məhkəməsiz edamlar və quldurluq aktlarından gedib.

İvan Xil qeyd edib ki, Sergey Lavrov bu cür hərəkətlərin yolverilməz olduğunu vurğulayıb, Venesuela xalqı ilə qəti həmrəylik ifadə edib və Rusiyanın regional sülhün, eləcə də beynəlxalq hüququn prinsiplərinin qorunması məsələlərində dəstəyini bir daha təsdiqləyib.