İsrailin Baş naziri Benyamin Netanyahu ABŞ Prezidenti Donald Trampa İranla bağlı yeni zərbələr barədə məlumat verməyi planlaşdırır.

Globalinfo.az xəbər verir ki, bu barədə NBC News birbaşa planlarla tanış olan mənbəyə və dörd keçmiş amerikalı rəsmiyə istinadən xəbər yayıb.

Məlumata görə, İsrail rəsmiləri hesab edir ki, Tehran ballistik raket proqramını genişləndirir və bu mövqelərini Tramp ilə gözlənilən görüşdə əsaslandırmaq niyyətindədirlər. Mənbələrin sözlərinə görə, İsrail tərəfi zərbəyə məruz qalan nüvə obyektlərinin İran tərəfindən bərpa edilməsindən narahatdır.

Bununla yanaşı, israilli rəsmilər İranın ballistik raketlərin istehsal olunduğu obyektləri yenidən qurmasını və zədələnmiş hava hücumundan müdafiə sistemlərini təmir etməsini daha təcili və ciddi təhlükə kimi qiymətləndirir.

Bildirilir ki, Donald Tramp və Benyamin Netanyahu arasında görüşün dekabrın sonlarında Trampın Mar-a-Laqo iqamətgahında keçirilməsi gözlənilir. Netanyahu bu görüşdə ABŞ prezidentini inandırmağa çalışacaq ki, İranın ballistik raket proqramını genişləndirməsi dərhal cavab tədbirləri tələb edəcək real təhlükə yaradır.