İranın zənginləşdirilmiş uran ehtiyatlarının böyük olması o demək deyil ki, Tehranın nüvə silahı var. MAQATE-nin İranın nüvə proqramının mövcudluğu barədə məlumatı yoxdur.

Axar.az xəbər verir ki, bunu MAQATE-nin rəhbəri Rafael Qrossi BMT Təhlükəsizlik Şurasının iclasından sonra deyib.

“Uranın çox yüksək səviyyədə toplanması avtomatik olaraq nüvə silahının olması anlamına gəlmir. Bizdə İranın nüvə proqramının olması ilə bağlı heç bir məlumat və ya işarə yoxdur. İranın külli miqdarda zənginləşdirilmiş uran məsələsini müzakirə etmək üçün bir neçə həftə ərzində Tehrana səfər etməyə ümid edirəm. Düşünürəm ki, vəziyyəti yüksək əməkdaşlıq səviyyəsinə çıxara biləcəyəm”.