Bəşəriyyət indi yenidən müharibə və sülh arasında seçim qarşısındadır.

Axar.az xəbər verir ki, bunu Çinin lideri Si Szinpin bu gün Pekində keçirilən hərbi paraddakı çıxışında deyib.

“Bu gün bəşəriyyət növbəti dəfə seçim qarşısındadır: sülh və ya müharibə, dialoq və ya qarşıdurma, qarşılıqlı fayda və ya sıfır məbləğli oyun. Çin xalqı tarixin doğru tərəfində, bəşər sivilizasiyasının tərəqqisinin tərəfində möhkəm dayanır, dinc inkişaf yolundan gedir və bütün dünya xalqları ilə birlikdə bəşəriyyət üçün ortaq gələcəyi olan bir cəmiyyət qurmağa çalışır”, - o bildirib.