ABŞ Konqresinin Nümayəndələr Palatasının ondan çox demokrat üzvü Donald Tramp administrasiyasını Fələstin dövlətini tanımağa çağıran məktub imzalayıb.

Globalinfo.az xəbər verir ki, bu barədə “Axios” portalı məlumat yayıb.

Məlumata görə, məktubu imzalayan demokratlar Fələstin dövlətinin yaradılmasını dəstəkləyən qətnamə təqdim etməyi planlaşdırır.

Məktubun Qəzza zolağında baş verən humanitar böhrana birbaşa cavab olduğu bildirilir. Nəşrin yazdığına görə, hətta bəzi respublikaçılar və Nümayəndələr Palatasındakı demokratlar arasında olan İsrailin tərəfdarları Netanyahuya qarşı tənqidləri artırıblar.

Trampa göndərilən məktubda deyilir: “Bu faciəli məqam dünyanın Fələstinin öz müqəddəratını təyinetmə hüququnu çoxdan tanımalı olduğunu bir daha gündəmə gətirir.

Məktub Fələstin dövlətinin Fransa, Böyük Britaniya və Kanada tərəfindən tanınması fonunda yazılıb.