İspaniyada Sosialist İşçi Partiyasının (PSOE) lideri və hazırkı baş nazir Pedro Sançes bildirib ki, hökumətinin prioriteti Fələstin dövlətinin tanınması üçün çalışmaq olacaq.

Publika.az xəbər verir ki, Sançes Parlamentin Baş Assambleyasındakı çıxışına İsrailin Qəzza zolağına hücumlarını tənqid edərək etimad səsverməsi istəməyə başlayıb.

Sançes oktyabrın 7-də HƏMAS-ın hücumunu qınayıb, günahkarların tez bir zamanda məhkəmə qarşısına çıxarılmasını və məhbusların azadlığa buraxılmasını istədiyini bildirib:

“Eyni zamanda, Qəzza və İordan çayının qərb sahilində fələstinlilərin ayrı-seçkilik etmədən öldürülməsini rədd edirik. Dərhal atəşkəs, bombardmanların dayandırılmasını, Fələstin xalqının humanitar ehtiyaclarını ödəmək üçün yardımların edilməsini və diplomatiyaya zəmin yaradılmasını tələb edirik. Təcili sülh konfransı olmalıdır. İspaniya Ukraynaya Putinin Rusiyası kimi təcavüzkar bir ölkəyə qarşı beynəlxalq hüququ açıq şəkildə pozduğuna görə kömək etdiyi kimi, eyni qətiyyətlə hərəkət etməlidir.Bu gün beynəlxalq humanitar yardım qaydalarına ciddi şəkildə riayət etmək lazımdır”.

Yeni hökumətin ilk hərəkəti İspaniyada Fələstin dövlətinin tanınması üçün iş olacaq.

Aysel Şahmar