Fələstinin HƏMAS hərəkatı İsrailin işğalı davam etdiyi və Fələstin xalqının hüquqlarının tam bərpa olunmadığı müddətcə tərksilah etmək niyyətində olmadığını təsdiqləyən bəyanat yayıb.

Publika.az xəbər verir ki, bu barədə TASS məlumat yayıb.

Bəyanatın mətnində vurğulanıb ki, HƏMAS-ın müqavimət haqqı beynəlxalq konvensiyalar və normalar tərəfindən tanınır və fələstinlilərin milli hüquqları, ilk növbədə paytaxtı Şərqi Qüdsdə olan tam suveren, müstəqil Fələstin dövləti qurmaq hüququ bərpa olunmayana qədər ondan imtina etmək olmaz.

İyulun 30-da Ərəb Dövlətləri Liqası (LAS) ölkələri ilk dəfə Fələstinin HƏMAS hərəkatının hərəkətlərini pisləyib və bu qrupu Qəzza zolağına nəzarətdən əl çəkməyə çağırıb. Avropa İttifaqı (Aİ) ilə birlikdə Birləşmiş Millətlər Təşkilatının (BMT) konfransında bəyannamə imzalanıb. Bu sənəddə HƏMAS-ın tərksilah edilməsi, hakimiyyətin Fələstin administrasiyasına verilməsi tələb olunur, həmçinin Qəzza zolağına beynəlxalq qüvvələrin yeridilməsi ehtimalı qeyd olunur.