İsrail Fələstinin radikal HƏMAS hərəkatı üçün əsas silah mənbəyi olduğunu sübut edib.

Publika.az xəbər verir ki, bu barədə Qərb və İsrail rəsmilərinə, eləcə də kəşfiyyat nümayəndələrinə istinadla The New York Times (NYT) yazıb.

"Yeni kəşfiyyat məlumatları HƏMAS-ın çoxlu raket və tank əleyhinə silahlarını İsrailin Qəzza zolağına atdığı zamanı partlamayan minlərlə mərmidən necə düzəldə bildiyini açıqlayıb", - nəşr yazır.

Bundan əlavə, Fələstin qruplaşmasının yaraqlılarının İsrail hərbi bazalarından oğurlanmış silahlarla da silahlandırıldığı qeyd edilir.

İsrail polis idarəsinin partlayıcı qurğuların zərərsizləşdirilməsi üzrə keçmiş rəis müavini Maykl Kardaş HƏMAS-ın əsas silah mənbəyinin IDF-nin partlamamış hərbi sursatları olduğunu vurğulayıb.

Amerika qəzetinin qeyd etdiyi kimi, yaraqlılar partlamamış hərbi sursatlardan partlayıcı maddələr çıxarır və sonradan raketlərində istifadə edirlər.

Hüseyn İbadlı