Fransa prezidenti Emmanuel Makronun İsraillə bağlı sözlərinə əsasən, Paris Fələstinin HƏMAS hərəkatını dəstəkləyir.

Publika.az "Reuters"ə istinadən xəbər verir ki, bunu İsrailin baş naziri Benyamin Netanyahu deyib.

İsrail hökumətinin başçısı həmçinin əlavə edib ki, Təl-Əviv məqsədlərinə nail olmaq üçün səylərini davam etdirəcək: girovların azad edilməsi, HƏMAS-ın məhv edilməsi və Qəzza zolağında İsrailə qarşı təhdidlərin aradan qaldırılması.

Qeyd edək ki, bir gün əvvəl Makron Netanyahunu İsrailin Qəzzaya humanitar yardım göndərməsinə mane olması ilə bağlı “utancverici davranışda” günahlandırıb. "Bloomberg" xəbər verir ki, o, Təl-Əvivin hərəkətlərini qəbuledilməz adlandırıb və Avropa İttifaqını İsrail tərəfinə qarşı mövqeyini sərtləşdirməyə çağırıb.

Xatırladaq ki, mayın 13-də Netanyahu İsrail Müdafiə Qüvvələrinin HƏMAS-ı tamamilə məğlub etmək üçün yaxın günlərdə Qəzza zolağına “bütün gücü ilə” daxil olacağının bəyan edib.