“ABŞ Prezidenti Donald Tramp Ukraynadakı münaqişənin həlli üçün Rusiyaya qarşı strategiyasından əmin deyil”.

Globalinfo.az xəbər verir ki, bu barədə “The New York Times” (NYT) yazıb.

“Prezident Tramp Rusiyanı maliyyə sanksiyaları ilə hədələsə də, bunun effektiv olacağından şübhələnir. Çünki o, dəfələrlə Rusiyanı Ukraynaya hücumlara görə cəzalandıracağı ilə təhdid edib, lakin nəticəsi olmayıb”, – deyə nəşrin müəllifləri qeyd ediblər.

Onların fikrincə, Ağ Ev rəhbərinin ultimatumu çətin ki, Rusiya Prezidenti Vladimir Putinin münaqişəyə münasibətini dəyişsin:

“O, Kiyevin ehtiyatlarının tükəndiyi və Moskvanın uğur qazandığı düşünür”.

Qeyd edək ki, bundan əvvəl ABŞ prezidenti Donald Tramp bu gündən etibarən Rusiyaya Ukraynadakı münaqişənin həlli üçün 10 gün vaxt verdiyini açıqlayıb.

“Rusiyaya 10 gün vaxt verirəm. Bu müddət ərzində münaqişə bitməlidir. Əks halda biz tariflər tətbiq edəcəyik. Bu, açıq-aydın Rusiyaya təsir göstərəcək lakin Putin müharibənin davam etməsini istəyir. Hər halda tariflər tətbiq edəcəyik. Bu, Rusiyaya təsir edə və ya etməyə bilər”, – Tramp vurğulayıb.