İsveç və Finlandiyanın NATO-ya üzv olmasından sonra Baltik dənizi alyansın “daxili dənizi”nə çevrilib.

Globalinfo.az xəbər verir ki, bu fikri Polşanın müdafiə naziri Vladislav Kosiniyak-Kamış səsləndirib. O, bu barədə sahilyanı yerüstü müşahidə radarlarının tədarükü ilə bağlı müqavilənin imzalanması zamanı danışıb.

Nazirin sözlərinə görə, yeni radiolokasiya izləmə sistemi Polşanın Kalininqrad vilayəti ilə sərhədindəki əraziləri də əhatə edəcək. Ümumilikdə, Baltik sahillərində 18 radiolokasiya stansiyası quraşdırılacaq.

Bundan əvvəl “Defence News” yazmışdı ki, NATO Baltik dənizində Rusiya hərbi və yük gəmilərini izləmək üçün pilotsuz sistemləri sınaqdan keçirir. ABŞ-da yerləşən Saildrone şirkəti tərəfindən hazırlanmış yerüstü pilotsuz cihazlar NATO-nun bölgədə keçirdiyi təlimlərin bir hissəsi kimi yerləşdirilib və “Rusiya kölgə donanması”na məxsus gəmiləri aşkarlamaqda istifadə olunub.