Fransa Prezidenti Emmanuel Makronun ölkənin müdafiə nazirini Ukraynaya göndərdiyi bəlli olub.

Globalinfo.az xəbər verir ki, bu barədə Fransanın müdafiə naziri Sebastian Lekorn özü məlumat verib.

“Biz Avropanın da, Ukraynanın da münaqişə ilə bağlı müzakirələrdə iştirak etməməsindən narahatıq. Fransanın danışıqlardan uzaqlaşdırılmasına görə təzminat tələb etmirik. Amma E.Makron məndən ukraynalılarla mineral ehtiyatlar məsələsi ilə bağlı danışıqlara getməyimi istədi”, – Lekornu “Fransinfo”ya açıqlamasında bildirib.

O qeyd edib ki, bu danışıqları 2024-cü ilin oktyabrından aparır.

Xatırladaq ki, Vaşinqton və Kiyev hakimiyyətləri 2025-ci ilin fevral ayının əvvəlində Ukraynanın mineral ehtiyatlarına dair sazişin imzalanması ilə bağlı fəal danışıqlar aparır.