Əgər tez-tez tərlə oyanırsınızsa, bu, sadə səbəblərdən başqa ciddi sağlamlıq problemlərinin əlaməti ola bilər.

E-saglam.az xəbər verir ki, gecə tərləmələri bir çox insanın zaman-zaman yaşadığı ümumi bir vəziyyətdir. Ancaq bu vəziyyət davamlı hala gəldisə və gündəlik həyat keyfiyyətinə təsir edərsə, nəzərə alınması lazım olan bir sağlamlıq probleminin əlaməti ola bilər.

Bəs gecə tərləmələri nə vaxt ciddi qəbul edilməlidir?

Gecədə çarşaflarınızı və ya pijamalarınızı dəyişdirməli olduğunuz qədər güclü tərləmə yalnız havanın isti olması və ya qalın yorğan ilə bağlı ola bilməz. Hormonal balanssızlıqlar, infeksiyalar, tiroid xəstəlikləri, bəzi xərçəng növləri (xüsusilə limfoma) və sinir sistemi pozğunluqları kimi əsas xəstəliklər gecə tərləmələrinin arxasında duran səbəblərdəndir.

Bundan əlavə, menopoz, diabet, stress və narahatlıq kimi vəziyyətlər də gecə tərləmələrinə səbəb ola bilər. Bu vəziyyət kilo itkisi, qızdırma, yorğunluq, ürək döyüntüsü və ya yuxu pozğunluğu ilə müşayiət olunarsa, həkimə müraciət edilməlidir. Mütəxəssislər gecə tərləmələrinin müddətinə, tezliyinə diqqət yetirilməli olduğunu vurğulayırlar.

Öz-özünə getməyən, təkrarlanan və həyat keyfiyyətini aşağı salan gecə tərləri mütəxəssis tərəfindən qiymətləndirilməlidir. Erkən diaqnoz sayəsində altda yatan ciddi bir xəstəlik varsa, müdaxilə edilə və müalicə prosesi müvəffəqiyyətlə idarə oluna bilər.