"İYİ" partiyasının keçmiş sədri Meral Akşenerin Rəcəb Tayyib Ərdoğanla görüşündən sonra ona yaxın bir neçə isim hakim Ədalət və İnkişaf Partiyasına (AK Partiya) keçəcək.

Publika.az “Duvar” qəzetinə istinadla xəbər verir ki, bu iddianı "İYİ" partiyasındakı bəzi mənbələr səsləndirib.

Meral Akşener ilə Rəcəb Tayyib Ərdoğan iyunun 6-da Beştəpədə görüşüblər. İddia olunur ki, görüş tələbi Akşenerdən gəlib və o, yeni konstitusiya ilə bağlı Ərdoğanı dəstəkləyəcəyini deyib.

Akşenerə yaxın 5 millət vəkilinin görüşdən sonra AKP-yə keçəcəyi ilə bağlı iddialar da partiya daxilində müzakirə mövzusu olub. Onlardan birinin partiyanın İstanbul milət vəkili Burak Akburak olduğu söylənilir.

Partiya üzvləri yaxın günlərdə Akşenerlə "İYİ" partiyası arasında əlaqələrin daha da gərginləşəcəyini bildiriblər.

Roza