Tiflisə qarşı sanksiya tətbiqi ABŞ-ın səhvidir.

Axar.az xəbər verir ki, bu sözləri Gürcüstan Baş nazirinin müavini Teya Tsulukiani deyib.

“Bu, ABŞ-ın öz strateji partnyorlarına qarşı tətbiq etdiyi növbəti səhvdir. Bu, yəqin ki, ilk səhv deyil. Biz daha sonra hansı yanlışların baş verəcəyini təxmin etməliyik”, - deyə o bildirib.

Qeyd edək ki, ABŞ Gürcüstanın vətəndaşlarına, o cümlədən məmurlara və onların ailə üzvlərinə viza sanksiyaları tətbiq etməyə hazırlaşır. Səbəb isə Gürcüstan parlamentinin "Xarici təsirin şəffaflığı haqqında" qanun layihəsini qəbul etməsidir.