Türk cümhuriyyətlərinin təhlükəsizliyini öz ölkəmizin təhlükəsizliyindən ayırmırıq.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan deyib.

“Rusiya, Ukrayna və Suriya ilə yanaşı, qonşumuz İraq da münaqişələrdən yorulub. Bütün imkanlarımızla onların yanında olacağıq. Pakistandan Əfqanıstana, Liviyadan Somali və Sudana, türk cümhuriyyətlərindən Balkana qədər uzanan geniş coğrafiyada sülh və əmin-amanlığın hökm sürməsi üçün işlərimizi davam etdiririk. Bu ölkələrin təhlükəsizliyini öz ölkəmizin təhlükəsizliyindən ayırmırıq. Otuz ildən sonra Qarabağın işğaldan azad edilməsi ilə bölgəmizdə tarixi imkan pəncərəsi açılıb. Bu, israf edilməməlidir”, - Türkiyə lideri vurğulayıb.

Prezident Ərdoğan qeyd edib ki, Ermənistan kənar təsirlərdən xilas olmalı, müstəqil qərarlar verməli, yaranmış tarixi fürsətdən yararlanmalı və qonşuları ilə dinc - sülh şəratində yaşamalıdır.