İspaniya hökuməti Fələstini dövlət kimi tanıyan qərarı rəsmən təsdiqləyib.

Teleqraf.com xəbər verir ki, bu barədə İspaniya Baş naziri Pedro Sançes bildirib.

“İspaniya hökuməti bu gün Fələstinin rəsmən dövlət kimi tanınmasını təsdiqləyib. Bu qərarla İspaniya artıq Fələstin dövlətini tanıyan 140-dan çox ölkəyə qoşulur. Bu tarixi qərarın yeganə məqsədi var: israillilərlə fələstinlilər arasında sülhə töhfə vermək”, - baş nazir vurğulayıb.

Norveç və İrlandiyada da bu gün Fələstini müstəqil dövlət kimi tanıyan qərarlar rəsmən qüvvəyə minib.