İndi Azərbaycanla əldə edilmiş razılaşmaları sülh müqaviləsinə daxil etməyin və onu imzalamağın vaxtıdır.
Axar.az xəbər verir ki, bunu Ermənistanın Baş naziri Nikol Paşinyan Kopenhagen Demokratiya Sammitində çıxışı zamanı deyib.
“Biz bu yaxınlarda Azərbaycanla 1991-ci il Almatı Bəyannaməsi əsasında dövlətlərarası sərhədlərimizin demarkasiyasına başlamaq barədə razılığa gəldik. Bu o deməkdir ki, demarkasiya zamanı biz sadəcə olaraq Sovet Ermənistanı ilə Sovet Azərbaycanı arasında Almatı bəyannaməsinə görə dövlət sərhədinə çevrilən inzibati sərhədləri bərpa etməliyik. Sərhədin delimitasiyasının başlanğıcı 2022-ci il oktyabrın 6-da Fransa Prezidenti Emmanuel Makron, Avropa Birliyi Şurasının sədri Şarl Mişel, Azərbaycan Prezidenti Əliyev və mənim aramda dördtərəfli görüşdə əldə olunmuş razılaşmanın həyata keçirilməsidir. Bu, Praqada baş verib. İndi bu sazişləri sülh müqaviləsinə daxil etmək, əks etdirmək və imzalamaq vaxtıdır”, - Paşinyan bildirib.