İsrailə qarşı cavab əməliyyatının necə və nə vaxt həyata keçiriləcəyinə Tehranın özü qərar verəcək.

Axar.az xəbər verir ki, bu sözləri İran Silahlı Qüvvələrinin Baş Qərargah rəisi, general-mayor Məhəmməd Hüseyn Bagiri sözügedən hücum nəticəsində ölən SEPAH zabitlərinin dəfnindəki çıxışında deyib.

O, 1 apreldə İsrailin İranın Dəməşqdəki konsulluq binasına (əslində konsulluğun yanındakı binaya – red.) endirdiyi zərbəyə görə intiqam alınmasının qaçılmaz olduğuna inandığını bildirib.

Onun sözlərinə görə, İsrailin terror hücumuna cavab əməliyyatı dəqiq həyata keçiriləcək və İsrail öz hərəkətlərindən peşman olacaq.

O, həmçinin xəbərdarlıq edib ki, Dəməşqə hücuma görə əsas məsuliyyət ABŞ-ın üzərinə düşür və Vaşinqton cavab verməlidir.