İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) bir üzvü İsrailin Suriyanın paytaxtı Dəməşqə endirdiyi zərbə nəticəsində öldürülüb.

Publika.az xəbər verir ki, bu barədə Suriya tərəfdarı regional assosiasiyadan olan mənbəyə istinadən “Reuters” agentliyi məlumat yayıb .

Bundan əvvəl Suriya dövlət agentliyi SANA məlumat vermişdi ki, İsrail Suriyanın paytaxtı Dəməşqin Əl-Mezza bölgəsində yaşayış binasını vurub.

"İsrailin şənbə günü Suriyanın paytaxtı Dəməşqə endirdiyi zərbə nəticəsində İslam İnqilabı Keşikçiləri Korpusunun bir üzvü həlak olub, digərləri isə yaralanıb", - mənbə agentliyə bildirib.

Onun sözlərinə görə, çoxmərtəbəli binadan Suriya hökumətinə dəstək verən iranlı məsləhətçilər istifadə ediblər. Zərbə nəticəsində onun tamamilə dağıldığı qeyd edilir.

Tural