Krımın Ukraynaya qaytarılması davamlı sülhün qarantıdır. Sülhə nail olmaq üçün Krım yarımadası yenidən Ukraynanın bir hissəsi kimi tanınmalıdır.

Publika.az xəbər verir ki, Fransa prezidenti Emmanuel Makron Almaniya və Polşa liderləri ilə görüşdən öncə verdiyi müsahibə zamanı bu fikirləri səsləndirib.

"Biz Ukraynanın Rusiyanı məğlub etməsinə kömək etmək üçün əlimizdən gələni edirik, çünki çox sadə deyəcəyəm: suverenlik olmasa, Ukrayna beynəlxalq səviyyədə tanınmış sərhədlərinə, o cümlədən Krım ərazisinə qayıtmasa, davamlı sülhdən söhbət gedə bilməz", - Makron bildirib.

Fransa prezidentinin sözlərinə görə, Rusiya Ukrayna münaqişəsində qalib gəlsə, Avropaya inam sıfıra enəcək. O, həmçinin qeyd edib ki, bu gün Rusiya Fransanın düşmənidir.

“Həmişə dediyim kimi, biz Rusiyaya və rus xalqına qarşı müharibə aparmırıq və biz Ukraynanı dəstəkləyirik”, - deyə Fransa lideri fikirlərini izah edib.

Cəmilə