Almaniya öz qoşunlarının Ukrayna ərazisinə yerləşdirilməsi ehtimalını rədd edir və bu mövzuda müzakirələri dayandırmağa çağırır.

Teleqraf.com xəbər verir ki, bunu Almaniya müdafiə naziri Boris Pistorius deyib.

Nazir qeyd edib ki, Qərb qoşunlarının Ukraynada yerləşdirilməsi ilə bağlı müzakirələr davam edir:

“Heç kim quru qoşunlarının Ukraynada olmasını istəmir, indi bu barədə müzakirələr gedir, amma həlledici həddi var. Ona görə də bu məqamda bunu dayandırmalıyıq. Biz müharibə tərəfinə çevrilməyəcəyik. Buna görə də “Taurus” raketləri verilməyib”.

Pistorius uzaqmənzilli raketlərin müharibədə həlledici olmayacağını söyləyib.

Qərb qoşunlarının Ukraynaya göndərilməsi ideyası Fransa Prezidenti Emmanuel Makrona məxsusdur. Fransa liderinin təklifi Almaniya ilə ölkəsi arasında gərginliyə səbəb olub.

Müəllif: Mənsur Rəğbətoğlu