Bu kitabın müəllifi özünə hörmət etmir. Nazir başa düşməlidir ki, biz Ermənistan vətəndaşları olaraq uşaqlarımızın hər şeyi yarımçıq olan, Azərbaycan-Türkiyə birliyinə xidmət edən bu dərslikləri oxumasını istəmirik.

Yenipress.az xəbər verir ki, bunu Ermənistan Xalq Hərəkatının koordinatoru Vazgen Petrosyan bəzi dərsliklərin ləğvi ilə əlaqədar Təhsil və Mədəniyyət Nazirliyi qarşısında keçirdiyi etiraz aksiyasında bildirib.

Petrosyan 7-ci sinifdə oxuyan qızının dərslik kitablarındakı xəritələrdə qeyri-dəqiqliklərin olduğunu, yer adlarının səhv yazıldığını iddia edib. O, erməni nazir Janna Andreasyanın istefasını tələb edib:

“Böyük Tiqranın dövründə Azərbaycan yox idi, lakin böyük Ermənistanın yanında Azərbaycanın da adı çəkilir. “Coca-Cola” belə Azərbaycandan daha qədimdir. Bu dövləti qəsdən qədimiləşdirməklə Azərbaycan-Türkiyə tandeminə bizim torpağımızda yaşamaq haqqı olduğunu söyləmək imkanı verirlər. Bu dərsliklərdə heç bir erməni marağı yoxdur”.