Bir sıra NATO ölkələri Şimali Atlantika Alyansının himayəsi altında öz hərbi hissələrini Ukraynaya göndərə bilər.

Publika.az xəbər verir ki, bununa bağlı keçmiş ABŞ diplomatı Metyu Brayza Ukraynanın “Espreso” telekanalına müsahibəsində bəyanatla çıxış edib.

"Hesab edirəm ki, Ukrayna ərazisində NATO hərbçilərinin faktiki mövcudluğundan söhbət getməyəcək. Lakin bəzi NATO üzvləri var ki, onlar NATO-nun himayəsi altında deyil, öz hərbi qüvvələrini və aktivlərini Ukraynaya göndərə bilərlər", - Brayza bildirib.

Bundan əvvəl ABŞ prezidenti Co Bayden ölkəsinin Ukraynada Rusiya Federasiyası ilə hərbi toqquşmaya can atmadığını bildirmişdi .

Onun sözlərinə görə, əgər Rusiya ABŞ-ın Şimali Atlantika Alyansındakı müttəfiqinə hücum etsə, Vaşinqton NATO-nun hər qarışını müdafiə edəcək.

Hüseyn İbadlı