Çin Dövlət Şurasının Tayvan İşləri İdarəsinin sözçüsü Zhu Fenglian Tayvanda keçirilməsi planlaşdırılan seçkilərin Çinin daxili siyasəti olduğunu bildirib və ABŞ-ı müdaxiləni dayandırmağa çağırıb.
Elchi.az xəbər verir ki, Zhu Fenglian mətbuat konfransında deyib ki, Tayvanda yanvarda keçiriləcək prezident seçkiləri Çinin daxili işidir və ABŞ müdaxiləni dayandırmalıdır.
Tayvanda prezident seçkilərinin 2024-cü il yanvarın 13-də keçirilməsi planlaşdırılır. Ardıcıl iki müddət bu vəzifədə işləyən prezident Tsay İnq-venin yenidən seçilmək hüququ yoxdur.
Tayvanın hakim Demokratik Tərəqqi Partiyası daha əvvəl adanın vitse-prezidenti olmuş Partiya sədri Lai Qingdeni namizəd kimi irəli sürmüşdü.
Zhu Fenglian, “Tayvanda seçkilər Çinin daxili işidir və xarici güclərin müdaxiləsi qəbuledilməzdir” dedi.
Sözçü bu il San-Fransiskoda keçirilən ABŞ-Çin sammitində ABŞ-ın Tayvanla bağlı Çin qarşısında ciddi siyasi öhdəliklər götürdüyünü və ABŞ prezidenti Co Baydenin açıq şəkildə “Tayvanın müstəqilliyini” dəstəkləmədiyini bildirib.
“Birləşmiş Ştatlar vədlərini yerinə yetirməli və Tayvanda müstəqillik tərəfdarı olan qüvvələrə yanlış siqnallar göndərməyi və Tayvanda seçkilərə müdaxilə etməyi dayandırmalıdır”, – Zhu Fenglian deyib.