Bakıda un və un məhsulunun qiyməti qalxıb. Son üç ay ərzində unun qiymətində hissə-hissə artım baş verib. Belə ki, 3 ay əvvəl 50 kiloqramlıq unun qiyməti 20 manat 60 qəpik idisə, hazırda 24 manat 60 qəpiyə təklif olunur. Bu da un və un məmulatlarının satışına təsir edir.

Unun bahalaşmasına səbəb kimi dünya bazarlarında baş verən qiymət artımı göstərilir.

Bəs, ekspertlər nə düşünür?

İqtisadçı-ekspert Akif Nəsirli Cebhe.info-ya açıqlamasında deyib ki, Azərbaycanda ərzaq buğdası xaricdən idxal olunur:

“Dünya bazarında unun qiyməti qalxdığına görə, bu daxili bazara təsir edir. Bunun sadə səbəbi budur. Hökumət istənilən halda çörəyin qiymətini tənzimləyir. Amma unun qiymətinin artması çörəyin qiymətinə də təzyiqləri artırır”. /Cebhe.info/