Budapeşt İsrailin “UVision” şirkəti ilə döyüş pilotsuz uçan aparatlarının (PUA) istehsalı müəssisəsinin yaradılmasına dair müqavilə imzalayıb.

Publika.az xəbər verir ki, bunu Macarıstanın baş naziri Viktor Orban Zalaegerszeq şəhərində Rheinmetall konserninin zavodunun açılışında danışıb.

“Biz İsrail şirkətinin bir hissəsi olduğu saziş imzalamışıq, Macarıstanda döyüş PUA-larının istehsalı üzrə birgə müəssisə yaradırıq”, - deyə o bildirib.

Orban Macarıstanın Varpalota şəhərində Avropanın ən müasir silah-sursat zavodlarından birinin gələcəkdə fəaliyyətə başlayacağını da qeyd edib.

Siyasətçi bildirib ki, Macarıstan Çexiyanın “Aero Vodochody” şirkətini alıb:

"Zavod döyüş və təlim təyyarələri istehsal edir. Hazırda Çexiyada Macarıstanın təyyarə zavodu fəaliyyət göstərir".

Hüseyn İbadlı