İsrailin baş nazir Benyamin Netanyahunun hökumətin məhkəmə islahatlarına etiraz əlaməti olaraq ehtiyatda olan əsgərlərin istefası ilə bağlı açıq açıqlama verən İsrail ordusunun qərargahına "Niyə belə manşetlər çıxarırsınız? Deyəsən ölkəni ordu idarə edir" sözləri ilə təpki verdiyi iddia edilib.

Publika.az xəbər verir ki, İsrail hökumətinin mətbuat xidmətindən verilən yazılı açıqlamaya görə, Netanyahu müdafiə naziri Yoav Qallant, Milli Təhlükəsizlik Şurasının sədri Tzachi Haneqbi, İsrail Baş Qərargah rəisi Herzi Halevi, Hərbi Hava Qüvvələri komandanı Tomer Bar ilə İsrail ordusunun "hazırlıq bacarıqlarını" müzakirə edib.

Təhlükəsizlik rəsmiləri Baş nazirə ordunun vəziyyəti haqqında məlumat verib, o isə ordunun fövqəladə çağırışa hazır olmaq qabiliyyətinin qorunub saxlanmasını tapşırıb. İsrail mərkəzli Kanal 12 və Kanal 13-də yayımlanan xəbərə görə, Netanyahu iclas müddətində hökumətin məhkəmə islahatlarına qarşı ehtiyatda olan əsgərlərin istefasının ordunun hazırlıq qabiliyyətini azaltdığını deyən Halevi və Bara “Siz bizim nüfuzumuza xələl gətirirsiniz. Niyə belə manşetlər çıxarırsınız? İsraili ordu idarə edir?” sözləri ilə səsini ucaldıb.

Qərargahın əsgərlərin istefası ilə bağlı verdiyi açıqlamalardan geri çəkilmədiyi və Halevinin "ordunun qabiliyyəti təhlükədə olduğu zaman xəbərdar etmək bizim vəzifəmizdir" cavabını verdiyi iddia olunur.

Xəbərlə bağlı Kanal 13-ə açıqlama verən İsrail Baş Nazirliyinin Mətbuat İdarəsi, "Baş nazir təkidlə danışsa belə, qışqıra bilməz" cavabını verib.

Netanyahu hökumətinin məhkəmə tənzimlənməsinə qarşı etiraz hərəkatı təxminən 8 aya yaxındır ki, davam edir.

Nəzrin