Ərdoğan Antalya da daxil olmaqla 81 əyalət valisindən 57-sini dəyişib.

Publika.az xəbər verir ki, Türkiyə prezidenti Türkiyənin əksər əyalətlərinin, o cümlədən Antalya kurort bölgəsinin valisini dəyişib.

Qərarın səbəbləri açıqlanmır. O da qeyd olunur ki, İstanbul vilayətinin valisi seçkilərdən sonra, iyun ayında keçmiş vali Əli Yerlikayanın Daxili İşlər Nazirliyinin rəhbəri vəzifəsinə təyin olunması ilə əlaqədar olaraq dəyişdirilib.

Məlumata görə, daha əvvəl cənub-şərqdə yerləşən Malatya vilayətinə rəhbərlik edən Hulusi Şahin Antalyanın yeni valisi olub. Kurortun keçmiş valisi Ersin Yazıcı müvafiq olaraq Malatyaya göndərilib.

Aydın vilayətinə rəhbərlik edən Yavuz Səlim Köşgər Adana valisi təyin olunub.

Qeyd edək ki, həmçinin, ötən həftə Ərdoğan fərmanla 81 əyalətdən 52-sində polis rəislərini dəyişib.

Mehti Kamiloğlu