Böyük Avropa şirkətləri Ukrayna müharibəsi başlayandan sonra Rusiya bazarında ən azı 100 milyard avro itki ilə üzləşib.

Publika.az xəbər verir ki, bu barədə “Financial Times” ekspertlərin araşdırmasına istinadən yazır.

Mütəxəssislərin fikrincə, 176-ya yaxın şirkətlə bağlı məlumatlar qeydə alınıb.

Lakin qəzetin məqaləsində Ukrayna münaqişəsi və anti-Rusiya sanksiyaları səbəbindən enerji daşıyıcılarının və digər məhsulların qiymətinin artması nəzərə alınmayıb. Nəşr qeyd edib ki, ən böyük itkilər neft-qaz şirkətləri arasında olub.

BP, Shell və TotalEnergies şirkətlərinin ümumi itkisi 40,6 milyard avro təşkil edib. Bundan əlavə, sənaye şirkətləri, o cümlədən avtomobil istehsalçıları Rusiyada 13,6 milyard avro itirib. Maliyyə korporasiyaları, xüsusilə banklarda isə 17,5 milyard avro məbləğində silinmə və digər xərclər qeydə alınıb.