Dünyanın taxıl anbarı kimi xarakterizə edilən ölkələrin son zamanlar atdığı addımlar qlobal ərzaq istehlakını risk altına qoyur.

Ölkə.Az xarici KİV-ə istinadla xəbər verir ki, düyü ticarətinin 40%-nə nəzarət edən Hindistanın düyüyə ixrac qadağası qoyacağı iddia edilir.

Dünyanın əsas qida istehsal edən ölkələrinin addımları artıq 40-dan çox ölkədə insanların qidaya çıxışını çətinləşdirir.

Hindistan daxili istehlaka zəmanət verərək daxili inflyasiyanın qarşısını almağa hazırlaşır.

İxrac qadağasının taxıl dəhlizi böhranı ilə birlikdə qlobal ərzaq böhranına səbəb ola biləcəyi ifadə edilir.

Son vaxtlar dünya bazarlarında 60%-ə qədər artımla satılan düyünün Afrika başda olmaqla bir çox ölkə üçün böyük problem yarada biləcəyi düşünülür.

Qeyd edək ki, bundan əvvəl Rusiya taxıl sazişini dayandırıb.

Günay