Bildiyimiz kimi, Dövlət Sərhəd Xidməti Beynəlxalq Qırmızı Xaç Komitəsinin Azərbaycanın Qarabağ bölgəsində fəaliyyətində ciddi qanun pozuntuları aşkarlayıb. Təşkilatın nümayəndələri öz səlahiyyətlərindən sui-istifadə edərək faktiki qaçaqmalçılıq fəaliyyəti göstəriblər. BQXK-nın Azərbyacana qarşı olan düşmən münasibəti artıq heç kimə qaranlıq deyil.

Mövzu ilə bağlı Publika.az-a danışan Siyasi və Hüquqi Araşdırmalar Mərkəzinin rəhbəri Xəyal Bəşirov bildirib ki, Qırmızı Xaç Komitəainin atdığı bu addımlarla bağlı Azərbaycanın rəsmi mövqeyi dəfələrlə bəyan olunub. Qırmızı Xaç Komitəsi dünyanın ayrı-ayrı yerlərində tamamilə fərqli fəaliyyətlə məşğul olmasına baxmayaraq, münaqişənin mövcud olduğu dönəmdə də, müharibə dövründə də, müharibədən sonra baş verən proseslərdə də görürük ki, tamamilə Azərbaycana münasibətdə ədalətsiz, qeyri-şəffafdır:

“Özlərinin vəzifə və funksiyalarına, fəaliyyət istiqamətlərinə zidd addımlar atırlar. Amma Ermənistanla münasibətə gəldikdə isə tamamilə fəqli fikirlər səsləndirirlər. Məsələn, onların Azərbaycanda Bakı şəhərində ofisləri var və onlar Azərbaycanda hansısa kiçik bir hadisəni böyüdüb qarışqadan fil düzəldirlər. Bunu mümkün qədər bütün beynəlxalq ictimaiyyətin, ayrı-ayrı təşkilatların diqqətinə çatdırmağa, Azərbaycana qarşı səfərbər olmağa və eyni zamanda Azərbaycanın beynəlxalq aləmdki nüfuzuna ciddi xələl gətirmək üçün müxtəlif addımlar atamağa çalışırlar. Azərbaycanın birinci Qarabağ müharibəsindən sonra 4 minə yaxın itkin düşmüş şəxsi var. Onlarla bağlı biz bu günə qədər Qırmızı Xaç Komitəsinin hansısa bir real addım atdığının şahidi olmamışıq. Ermənistanın itkin düşmüş şəxslərlə bağlı bu günə qədər nə Azərbaycana, nə də beynəlxalq ictimaiyyətə hər hansısa rəsmi bir informasiya verməsinin, Ermənistana münasibətdə hər hansısa sərt bəyanatının ya hansısa addım atmasının şahidi olmamışıq".

Politoloqun sözlərinə görə, indi də İkinci Qarabağ Müharibəsində Azərbaycanın mövcud reallığı dəyişməsindən sonra orada baş verən proseslərdən bunlar mümkün qədər öz maraqlarına, o cümlədən də Ermənistana dəstək vermək üçün istifadə etməyə çalışdılar: “Təbii ki, onların son addımları cinayət hesab olunur. Həm beynəlxalq hüquqa, həm də Azərbaycan qanunvericiliyinə zidd addımlardır. Hesab edirəm ki, Qırmızı Xaç Komitəsinin rəhbərliyi bu məsələyə münasibət bildirməlidir. Həmin o təşkilatın Qarabağ ərazisində fəaliyyət göstərməsi qanunsuzdur. Çünki beynəlxalq aləmdə Azərbaycan və Ermənistan sərhədləri tanınır. Həmin o ərazilər Azərbaycan ərazisidir. Əgər Azərbayacan ərazisində onlar faktiki olaraq Bakı şəhərində fəaliyyət göstərirlərsə onların Qarabağda fəaliyyət göstərməsi artq özü özlüyndə elə həmin Qırmızı Xaç Komitəsinin əsasnaməsinə ziddir. Çünki bir dövlət ərazisində istənilən təşkilatın, o cümlədən də Beynəlxalq Qırmızı Xaç Komitəsinin bir qurumu fəaliyyət göstərir. Təbii ki, əgər müxtəlif istiqamətlərdə ayrı-ayrı qurumları fəaliyyət göstərirlərsə, onlar da o əsas quruma bağlı olurlar".

O qeyd edib ki, qanunsuzluqlardan ruhlanaraq Qırmızı Xaç Komitəsinin əməkdaşları qaçaqmalçılıqla cinayətkarlığın miqyasını və əhatə dairəsini də artırıblar: “Hesab edirəm ki, bütün bu addımların nəticəsi olaraq Azərbaycan tərəfinə QXK tərəfindən ən azından hesabat şəklində və ya Azərbaycan xalqının, dövlətinin bu narahatçılığına izahat verilməlidir. Təbii ki, bu addımları atan o komitənin nümayənmdələrinin cinayət məsuliyyətinə cəlb olunması mövzusunda da addımlar atılmalıdır. Əks təqdirdə gələcəkdə həmin o ərazidə fəaliyyət göstərən QXK əməkdaşlarının təhlükəsizliyinə kimsə qarantiya verməyəcək. Orada hər hansısa bir hadisə baş verəcəksə, QXK əməkdaşlarının həyatı üçün hansısa təhlükə yaranacaqsa, dərhal bu məsələdə Azərbaycana qarşı fikirlər səsləndiriləcək. Buna əminəm. Amma nə qədər ki, onlar cinayət törədiblər, onlar qanuna zidd addımlar atıblar bununla bağlı heç kim hesabat vermək istəmir. Düşünürəm artıq həlqə daralıb. Cinayətkar ünsürlər var, hansı ki, təxminən on min nəfərə qədər "qüvvə" ilə orada fəaliyyət göstərirlər və Ermənistana aiddirlər. Onlarla yanaşı Qırmızı Xaç Komitəsinin nümayəndələri də hüquqa zidd addımlar atmaqla, eyni fəaliyyəti davam etdirirlər. Hesab edirəm ki, qeyd etdiyim qanunsuz silahlı birləşmələrin üzvlərinin oradan təmizlənməsi prosesinə paralel olaraq orada bütün o qanunsuz fəaliyyət göstərən təşkilatlar, o cümlədən də, şəxslər, habelə Beynəlxalq Qırmızı Xaç Komitəsinin üzvləri bu prosesə cəlb olunmalıdır və onlar Azərbaycan ərazisində qanunsuz fəaliyyətinə son qoymalıdırlar”.

Nəzrin Cavadzadə