Polşanın Legionavo şəhərində (Varşava aqlomerasiyası) “Şimal qrupu” adlanan ölkələrin müdafiə nazirlərinin görüşü keçirilib. Danışıqların mövzuları arasında NATO-nun şərq cinahında təhlükəsizlik, Ukraynanın müdafiə qabiliyyətinin gücləndirilməsi, NATO-nun iyulda Vilnüsdə keçiriləcək sammitinə hazırlıq daxildir.

Publika.az xəbər verir ki, bu barədə Polşa Müdafiə Nazirliyi məlumat yayıb.

“Legionovoda müdafiə nazirlərinin görüşü keçirilir. NATO-nun şərq cinahının təhlükəsizliyi, Ukraynanın müdafiə qabiliyyətinin gücləndirilməsi imkanları və NATO- nun Vilnüs sammiti ilə bağlı danışıqlara baş nazirin müavini Mariuş Blaşçak sədrlik edir", - açıqlamada deyilir.

Bildirilir ki, “Şimal qrupu”na daxil olan ölkələrin (Böyük Britaniya, Hollandiya, Almaniya, Polşa, Danimarka, Finlandiya, İslandiya, Norveç, İsveç, Estoniya, Litva və Latviya) nazirləri ukraynalı pilotların hazırlanması məsələsini də müzakirə ediblər.

“Bunu suveren Ukrayna hökuməti qərar verəcək... Və biz bu məsələdə onu dəstəkləyəcəyik. Ümid edirəm ki, biz, heç olmasa Putin dövrünün sonuna şahidlik edirik”,- Blaşak bildirib.