Belarus ordusunun qəfil “döyüş hazırlığı yoxlanışı” zamanı azı 20 tank Polşa və Litva ilə sərhəd yaxınlığındakı poliqona göndərilib.

Publika.az xəbər verir ki, bu barədə “Belarus Gayun” monitorinq qrupu məlumat yayıb.

Məlumata görə, ən azı 20 tank ölkənin şimal-qərbindəki Qrodno şəhəri yaxınlığındakı poliqona göndərilir. Bundan əlavə, “döyüş hazırlığının yoxlanılması”nın ikinci günündə Belarus Silahlı Qüvvələrinin yeni bölmələri və birləşmələri təlimə cəlb olunmağa başlayır:

“11-ci briqadadan (ayrıca mexanikləşdirilmiş briqada - red.) indiyədək ən azı 20 T-72B tankı təlimə cəlb olunub. Bölmələr daimi dislokasiya nöqtəsindən Qrodno rayonundakı Qojski poliqonuna (çox güman ki, Lida bölgəsində su maneəsini aşmaqla) marşla getməli olacaqlar. Məlumdur ki, bölməyə bu gün saat 03:00-da (Minsk vaxtı ilə - red.) xəbərdarlıq edilib”.