Cinsi münasibətlər bir çox hallarda həm kişilərdə, həm qadınlarda bəzi növ xərçəngə səbəb ola bilir.

Medicina.az xəbər verir ki, İsveç alimləri qırtlaq, boğaz xərçəngini oral seks zamanı keçə biləcək virus yarada bilər.

Ona görə də alimlər kişi və qadınıları bu forma intim əlaqədən uzaq durmağa çağırıb.
Elmi araşdırma sübut edib ki, əksər gənclər oral seksi digər formalardan daha təhlükəsiz hesab edir, çünki hamilə qalmaq şansı yoxdur.

Lakin məhz bu forma göründüyü kimi təhlükəsiz deyilmiş.

Bu növlə çox məşğul olan insanlar HPV – insan papilomavirusunun müxtəlif növlərinə yoluxur.

Bu virus cinsi orqanların xərçəngi ilə yanaşı, ağız boşluğu, boğaz, qırtlaq xərçənginə də səbəb olur.

Malmo universitetinin alimləri boğaz xərçəngi olan 132 xəstəni 320 sağlam insan qrupu ilə müqayisəli kontrol altında tutaraq, müəyyən edib ki, 36% hallarda qırtlaq xərçəngi xəstələri HPV virusu daşıyıcıları olub, sağlam qrupda isə bu cəmi 1% olub.

Alim Kerstin Rozenkvist bildirib ki, yaşlı adamlarda, xüsusən kişilərdə bu xərçəng 80% hallarda siqaret və içkidən olur.
Amma 10 ildir ki, 30-40 yaşlılarda bu xəstəlik artdığı üçün hesab edirik ki, təsiredici səbəb HPV virusudur, bu virus da cinsi yollarla asanlıqla ötürülür”.