“Soçidə Nikolun başına növbəti dəfə diplomatik və siyasi zərbə endirildi”.

Publika.az xəbər verir ki, bu barədə Ermənistan müdafiə nazirinin keçmiş müavini Artak Zakaryan deyib.

Zakaryan hesab edir ki, Soçi bəyanatının mətni Azərbaycanın maraqlarına uyğundur.

“Bəyanata Qarabağın adı daxil edilməyib, Rusiya sülhməramlıları haqda qeyri-müəyyən sözlər qeyd olunub. Hətta Ermənistanın əraziləri, yaxud məhbuslarla bağlı məsələ belə bəyanatda əksini tapmır. Kommunikasiyanın açılması məsələsində də suverenlikdən bəhs edilmir”, - Zakaryan deyib.

A.Zakaryan qeyd edib ki, Soçidə növbəti kapitulyasiyaya doğru daha bir addım atıldı.