İsrailin baş naziri Yair Lapid Nazirlər Kabinetinin həftəlik iclasında bildirib ki, "Mossad" kəşfiyyatının rəhbəri David Barnea İranın nüvə proqramı üzrə Birgə Hərtərəfli Fəaliyyət Planının (JCPOA) bərpası ilə bağlı riskləri müzakirə etmək üçün sentyabrın 5-də ABŞ-a səfər edəcək.

Publika.az xəbər verir ki, bu barədə ölkə rəhbərinin ofisi bəyanat yayıb.

Lapidin sözlərinə görə, o, ABŞ Prezidenti Co Baydenlə danışıqlar aparıb və indi Mossad rəhbəri sentyabrın 5-də Vaşinqtona yola düşəcək.

Avqustun 29-da İsrailin xarici kəşfiyyat xidməti “Mossad”ın ölkənin mərkəzində İranın nüvə proqramına qarşı xeyli sayda əməliyyat keçirdiyi barədə məlumat yayılıb.