Ukrayna qoşunları Xerson vilayətinin İvanovka qəsəbəsini işğaldan azad edib.

KAİM.az xəbər verir ki, bu barədə Ukrayna Silahlı Qüvvələrinin Quru Qoşunları məlumat yayıb.

Quru Qoşunlarının 60-cı piyada briqadasından bildirilib ki, qəsəbədə ruslardan yalnız “ölü” hərbi texnikalar və dəhşətli xatirələri qalıb.

“Koordinasiyalı iş sayəsində 60-cı piyada briqadasının hərbçiləri daha bir yaşayış məntəqəsini nəzarətə götürə biliblər. Ukrayna hərbçiləri yerli sakinlərlə əlaqə saxlayır, ehtiyacı olanlara kömək göstərirlər”, – məlumatda deyilib.